એવો કોઈ દિલદાર જગતમાં નજર આવે, આપી દે મદદ કિંતુ ન લાચાર બનાવે.
હમદર્દ બની જાય જરા સાથમાં આવે, આ શું કે બધા દૂરથી રસ્તા જ બતાવે!
શું એને ખબર, કોની નજર પ્યાસી રહી ગઈ? જે ભેજમાં ચાલે અને પાલવ ન ઉઠાવે.
એ સૌથી વધુ ઉચ્ચ તબક્કો છે મિલનનો, કહેવાનું ઘણું હો ને કશું યાદ ન આવે.
કોઈ પ્રેમીથી તમારા વાતોની કલા લ્યે, એક વાત કરે એમાં ઘણી વાત છુપાવે.
રડવાની જરુરત પડે ત્યાં સૂકાં નયન હો, ને હસતો રહું ત્યાં જ જ્યાં હસવું નહી આવે.
છે મારી મુસીબતનું 'મરીઝ' એક આ કારણ, હું મુજથી રુઠેલો છું, મને કોણ મનાવે?
0 comments:
Post a Comment